प्रदीप कुमार
पौड़ी/श्रीनगर गढ़वाल। डॉ.आशीष चौहान जिला निर्वाचन अधिकारी,पौड़ी गढ़वाल हम सब्यूं का उज्जवल भविष्य का वास्ता सबि माँ-बैण्यूं भै-बंदु अर दाना सयाणों से अपील कनु छौं कि लोकतंत्र मा हमारू वोट न केवल अधिकार च बल्कि हमरी जिम्मेदारी भी च,आप लोग हर दाॅं अपणा वोट का अधिकारों प्रयोग करी अपणा प्रतिनिधि कु चुनौ करदां अर अपणा देश,प्रदेश,जिला अर अपणा गौं का विकास मा अपणो योगदान करदां।
आप सब्यूं से मेरू सादर निवेदन छ कि औण वाला लोकसभा चुनौ मां बिना कै लोभ लालच का अपणा देश का लोकतंत्रा वास्ता, अपणा नौन्यालु का सुनैरा भविष्या वास्ता शतप्रतिशत वोट दीणौ जाण,आज हम सब औण वाला चुनौ मा शत-प्रतिशत वोट दीणा वास्ता सौं लिन्दा कि “हम, भारता नागरिक,लोकतंत्र मा अपणी पूरी आस्था रखी सौं खंदा कि हम अपणा देशै लोकतांत्रिक परम्परों की मर्यादा तैं बणें रखला अर स्वतंत्र,निष्पक्ष व शांतिपूर्ण निर्वाचनै गरिमा अक्षुण्ण रखी,निर्भीक हवेकी धर्म,वर्ग,जाति,समुदाय भाषा अर बिना कै लोभ मां अयां अपणा मताधिकारौ प्रयोग करला “।
मेरी आप सभी माँ-बैण्यू,भै-बंदु अर दाना सयाणों से अपील च कि अपणा देश का लोकतंत्र थै मजबूत कना वास्ता अपणा बूथ मां जैकी अपणु वोट जरूर दियां।
